ការប្រកួតដ៏សំខាន់មួយរវាងក្រុមកីឡាករជម្រើសជាតិកម្ពុជាអាយុក្រោម ២៣ឆ្នាំ ប៉ះជាមួយថៃ កាលពីយប់ថ្ងៃទី ១៤ ឧសភា ២០២២ ក្នុងព្រឹត្តិការណ៍ Sea Games លើកទី៣១ នៅប្រទេសវៀតណាម លទ្ធផលក្រុមជម្រើសជាតិថៃ បានយកឈ្នះកម្ពុជា រហូតដល់ ៥-០ ។ 

យ៉ាងណាមិញទោះបីលទ្ធផលមិនល្អប្រសើរសម្រាប់កម្ពុជាក៏ដោយ ងាកទៅមើលសំណេររបស់លោក ហុងដា ដែលជាអ្នកចាត់ការក្រុមជម្រើសជាតិកម្ពុជាវិញ បានសរសេរលើកទឹកចិត្តដល់កីឡាករគ្រប់រូប។

លោក Keisuke Honda បានសរសេររៀបរាប់ថា៖ «​សួស្ដីអ្នកទាំងអស់គ្នា! អរគុណសម្រាប់ការគាំទ្ររបស់អ្នកទាំងអស់គ្នាកាលពីយប់មិញ។ 
ជាថ្មីម្ដងទៀត កីឡាករទាំងអស់បានខិតខំអស់ពីសមត្ថភាពហើយ ខ្ញុំពិតជាមានមោទកភាពណាស់។ ខ្ញុំបាននិយាយទៅកាន់កីឡាករទាំងអស់ក្រោយចប់ការប្រកួតថា យើងគួរតែរីករាយ ព្រោះយើងអាចដឹងរឿងជាច្រើន ជាអ្វីដែលពួកយើងគួរតែពង្រឹងបន្ថែម។ ពួកយើងនឹងមានការប្រកួតដ៏សំខាន់មួយទៀតនៅថ្ងៃស្អែកនេះ» ៕