អតីតកំពូលខ្សែការពារសញ្ជាតិអង់គេ្លស Rio Ferdinand បានប្រាប់ឱ្យក្រុមបិសាចក្រហម Manchester United គួរតែព្យាយាមចុះហត្ថលេខានាំយកកីឡាករ ២រូបមកជួយក្រុមនៅរដូវកាលក្រោយ ។

កីឡាករ ២រូបនោះតាមពិតទៅគាត់ចង់សំដៅទៅលើ កីឡាករ Declan Rice របស់ញញួរដែក West Ham និង  John McGinn របស់ AstonVilla ​។ 

ជាការពិតណាស់ស្ថានភាពរបស់ក្រុមបិសាចក្រហមហាក់មិនមានភាពល្អប្រសើរ ប៉ុន្មានទេបើទោះបីជាក្រោមការដឹកនាំរបស់អ្នកចាត់ការថ្មី Ralf Rangnick ក៏ដោយ ។

ជាពិសេសតំបន់បម្រើកណ្តាលរបស់ Man Utd នៅតែជាតំបន់នៃក្តីបារម្ភ ដោយបច្ចុប្បន្ន Fred និង Scott McTominay តែងតែទទួលរងការរិះគន់ ពីសំណាក់អ្នកគាំទ្រ ។ 

គួរបញ្ជាក់ថា បច្ចុប្បន្ន Manchester United កំពុងឈរនៅលេខរៀងទី ៤ ក្នុងក្របខណ្ឌ Premier League ដោយតាមពីក្រោយក្រុមកំពូលតារាង Manchester City ដល់ទៅ ១៩ ពិន្ទុ ស្របពេលនៅក្របខ័ណ្ឌ UCL ឯណោះវិញ ពួកគេបានប្រកួតត្រឹមស្មើ ជាមួយ AT Madrid សម្រាប់ជើងទី ១ វគ្គ ១៦ ក្រុមចុងក្រោយ ៕
 

ប្រភព : The Sun